Առաջնորդ

 ՀՀ ԶՈՒ Հոգևոր առաջնորդ

Վրթանես եպիսկոպոս Աբրահամյանը (ավազանի անունով Կամո) ծնվել է 1962թ. մարտի 21-ին ԼՂՀ Մարտունու շրջանի Ծովատեղ գյուղում: Նախնական կրթությունը ստացել է տեղի ութամյա դպրոցում, որից հետո ուսումը շարունակել է Սումգայիթի միջնակարգ դպրոցում:
1980թ. ընդունվել է Էջմիածնի Հոգևոր Ճեմարան: 1981-1983 թթ. ծառայել է խորհրդային բանակում: Զորացրվելուց հետո ուսումը շարունակել է ճեմարանում և ավարտել 1987թ.:
1986թ. դեկտեմբերի 25-ին Սուրբ Ստեփանոս Նախավկայի տոնին ձեռամբ լուսահոգի Տ. Հուսիկ արքեպիսկոպոս Սանթուրյանի ձեռնադրվել է սարկավագ` ծառայելով Մայր Տաճարին կից թանգարանում: 1988թ. մայիսի 22-ին Հոգեգալստյան տոնին ձեռամբ Տ. Հուսիկ արք. Սանթուրյանի ձեռնադրվել է կուսակրոն քահանա` ստանալով Վրթանես հոգևոր անունը Վազգեն Վեհափառի կողմից: Ձեռնադրությունից հետո շարունակել է ծառայությունը թանգարանում, միաժամանակ շաբաթ-կիրակի օրերին հոգևոր ծառայության եղել Մեղրիում: Մինչ 1989թ. հունիս ամիսը բազմիցս հոգևոր առաքելությամբ եղել է Արցախում: Արցախի թեմի վերաբացումից հետո իր կամքով և գերաշնորհ Տ. Վազգեն Ա Վեհափառ Հայրապետի օրհնությամբ մեկնել է Արցախ` ստանձնելով Ամարասի վանքի վանահոր պաշտոնը: 1993–1996թթ. եղել է Արցախի թեմի փոխառաջնորդ, 1996-1997թթ.` Սուրբ Հռիփսիմե վանքի վանահայր: 1997-1999թթ. եղել է ՀՀ պաշտպանության նախարարի հոգևոր խորհրդականը և բանակի հոգևոր առաջնորդը: 1999–2001թթ. կրկին ստանձնել է Ս. Հռիփսիմե վանքի վանահոր պաշտոնը: 2001–2006թթ. Իջևանի և Տավուշի մարզի հոգևոր հովիվն էր, 2006–2007թթ. Նոր Նախիջևանի և Ռուսաստանի Հայոց թեմի փոխառաջնորդը: 2007թ. հոկտեմբերից մինչ օրս ՀՀ ԶՈՒ հոգևոր առաջնորդն է: 2008թ. հոկտեմբեր 25-ին ձեռամբ Ն.Ս.Օ.Տ.Տ. Գարեգին Բ Ամենայն Հայոց կաթողիկոսի ձեռնադրվել է` ստանալով եպիսկոպոսական աստիճան:

Թողնել պատասխան

Pin It on Pinterest